ناديتك تعالي ..

يا بت يا نور ..

بحبك جد وفوق المعقول ..

إلاّ مافي رد ... غير الصدى الراجع

بحبك جد .. بحبك جد ..
بحبك جد بحبك..

وبقيتي عنيدة ..

ما رديتي الصوت الليك بنادي ..

يا بت يا نور

ليك كلمة ريد ..

وكم حرف مقبول .

طلعتو جواي ليك أشعار ..

رصفتو قليبك كتير أنوار ..

ناجيتك كمان.. ليالي وأسحار..

وفجأة لقيت نفسي براي إنهار ..

إتألمت كتير وكتير هو شقاي..

حبك ..بُعدك .. تجريحك أقدار..

قدر الشاعر الفجر كلمة ..

كلمة وعد.. وعد الحب ..

حب الأمل النبعو دموع ..

دموع الشوق البقى أسفار..

وبعْد السفر ناديتك تعالي

وما لقيت الرد ..

غير الصدى الراجع

بحبك جد .. بحبك جد ..
بحبك جد بحبك..

فوا أسفي وا أسفاي ..

أسفاً على القلب العشق السراب

وخلاه أمل جواي

وجواي يعربد لهيب..

وفضل رماد الكلمة الناديتك بيها

يابت يا نور ..بحبك جد وفوق المعقول ..

وما لاقيه ردك ويردد الصدى

بحبك جد .. بحبك جد ..
بحبك جد ..بحبك..

وبرضي جيتك

بعد جفاك أتاوق جوّه قليبك ..

وما لقيتو ريدي ومناي ..

وندمت كتير لو أزرع الريدة أنا

ويحصد غيري ثمرة هواي ..

ومشيت منك بقيت براي

أناديك أناجيك

يابت يا نور ..

بحبك جد وفوق المعقول ..